Velkomen til Fjon Fjellkyrkje

Fjon Fjellkyrkje er ein ubetent kombinert leirplass/kyrkje som ligg i Matredal i Masfjorden kommune. Kyrkja ligg vakkert til ved inngangen til dei flotte fjellområda i Stølsheimen og Matrefjella, er eigd av Masfjorden sokn og drifta av sokneråda i Nordhordland prosti. Leige er basert på eige stell og me har plass til opp til rundt 45 overnattingsgjestar ved total utnytting. Ta kontakt med oss på telefon eller bruk bookingskjemaet under for å tinga kyrkja. Sjekk bookingkalendar for ledige helger. 

Fjon har blitt 'Foreininga Fjon Fjellkyrkje og Ungdomssenter'

Så har Fjon blitt foreining! - Foreininga Fjon Fjellkyrkje og Ungdomssenter! Det skjedde ved stiftingsmøte tirsdag 28.mai 2024, like etter eit siste, avsluttande rådsmøte. Brønnøysundregistrene hadde ingen plass for oss, slik vedtektene har vore utforma, så noko måtte endrast. Og då vart det foreining. Huset er det framleis Masfjorden sokn som eig, men med sokna i Nordhordland som foreiningsmedlemmer skal vi halde fram og drive Fjellkyrkja i same gode fellesskap slik det har vore gjort heilt frå starten. Så slik sett er ingenting endra, men ei heilt nødvendig organisatorisk endring er no i mål!

Olsokfeiring på Fjon

Tradisjonen tru vert det olsokfeiring på Fjon 29. juli. Velkommen til alle! 

Familiefilm spelt inn på Fjon

Vil du sjå korleis Fjon og området rundt ser ut på film? Familiefilmen Birk og Magna er i stor grad spelt inn i og ved fjellkyrkja og vann puplikumsprisen på barnefilmfestivalen i 2023: